Kotizoj

Aliĝkotizoj

La aliĝkotizoj kovras nur parton de la kostoj de la aranĝo. La reston de la programkostoj kovros alifontaj subvencioj.

Por scii, kiom kostos via aliĝo, vi povas plenigi la aliĝilon: ĝi aŭtomate kalkulos vian kotizon.

Landokategorioj:

• A-landoj: ĉiuj landoj krom B-landoj kaj C-landoj;
• B-landoj: la 10 membroŝtatoj de EU kiuj eniris en la jaro 2004 (Ĉeĥio, Estonio, Hungario, Kipro, Litovio, Latvio, Malto, Pollando, Slovakio, Slovenio);
• C-landoj: Rumanio kaj Bulgario; ekssocialismaj eŭropaj landoj; ĉiuj landoj de Azio (escepte de Israelo, Japanio kaj Koreio), Afriko kaj Latina Ameriko.

Infanoj kaj adoleskantoj

Por partoprenantoj sub 18 jaroj validas specialaj prezoj:

Krompagoj:

• Dulita ĉambro: +20 €.

Rimarkoj:

• La aliĝo ekvalidas post pago de minimume 50 EUR.
• Kaze de malaliĝo antaŭ 2019-05-31, oni repagas la antaŭpagon minusigante 10 EUR. Kaze de malaliĝo antaŭ 2019-06-30 oni repagas la antaŭpagon minusigante 30 EUR.
• Kiel aliĝdaton oni konsideras daton de pago de minimume aliĝkotizo.
• Partopreno nur por parto de la evento kostas kvaronon de la plentempa kotizo obligitan per la nombro da partoprentagoj.
• Oni rajtas senpage modifi sian mendon (maksimume 2-foje) ĝis la 2019-06-30. Je ĉiu ŝanĝo post tiu dato oni krompagigas je 5 € por ŝanĝo.
• Se vi kontribuos al la aranĝo per organizo de programero, vi povas ricevi rabaton (5 € por horo). Bonvolu skribi pri via kontribu-propono en la aliĝilo kaj ni sekve kontaktos vin.

Manĝoj

La manĝoj inkluzivas tri manĝojn tage. Eblas elekti inter tri specoj da manĝaĵo: kunvianda, vegetara, vegana. Menditaj manĝoj komenciĝas per vespermanĝo la 2019-07-12 (aŭ de via alventago, se vi alvenos post la komenco) kaj finiĝas per tagmanĝo la 2019-07-20 (aŭ de via forirtago, se vi foriros antaŭ la fino). Se vi havas aliajn preferojn, bonvolu kontakti nin.

Dum SES funkcias t.n. “verda rabato”. Se vi elektos dum SES manĝi senviande (do aŭ vegetare, aŭ vegane), vi pagos malpli je 10 € por la tuta aranĝo. Koran dankon pro via komprenemo! Certe ni ĝojos, se vi elektos la malpli kostan varianton, sen superflua kaŭzado de besto-mortigado kaj aldone ŝparos monon. Kaj eble vi eĉ ekŝatos tian manĝkutimon kaj emos en ĝi daŭrigi ankaŭ hejme post la aranĝo. ☺

Ŝanĝoj pri manĝomendoj estos akceptataj plej malfrue ĝis 2019-07-08. Pri specialaj bezonoj aŭ deziroj bonvolu informi la organizantojn anticipe.

Loĝado

Rimarkoj:

• Dum la aranĝo estas 8 noktoj (de vendreda vespero ĝis sabata mateno). Eblas partopreni ankaŭ malpli longe, aŭ alveni unu tagon pli frue (ĵaŭde) aŭ resti unu tagon pli longe (ĝis dimanĉo). La datojn de via alveno kaj foriro indiku en la aliĝilo. Aldona tranokto en ĉambro kostas 15 €, aldona tranokto en propra tendo aŭ loĝaŭto kostas 5 €.
• Se vi ne volas loĝi en la studenthejmo, kiun ni proponas, vi povas ankaŭ mem aranĝi por vi tranoktadon en alia memelektita loko.
• Ĉiu duopo de ĉambroj havas komunan duŝejon kaj necesejon.
• Se vi venas per loĝaŭto, la prezo ne inkluzivas konekton de la veturilo al la elektro de la studenthejmo.

Ekskursoj

Ĉiuj ekskursoj estas aparte pagendaj – eblas mendi ilin ĝis 2019-06-30. Se vi aliĝos al ekskurso poste, ni ne plu povas garantii al vi liberan lokon.

Invitletero

Se vi bezonas ricevi invitleteron por akiri vizon por Slovakio, ĝia kosto estas 35 EUR. Tiu sumo ne validas por partoprenantoj el Rusio kaj Ukrainio, por kiuj invitleteroj laŭ aparta interkonsento kostas nur 3 EUR kaj ekzistas ankaŭ ŝanco ricevi vizon senpage.

Rimarko: Oni pagas la kotizon, ĉar invitleteroj devas esti aprobitaj de la polico. Invitilojn por la aranĝo ni povos sendi nur ĝis 2019-06-15. Se vi do bezonas vizon, bonvolu aliĝi antaŭ tiu tempo. Por ricevi la invitleteron, bonvolu plenigi la koncernajn kampojn en la aliĝilo. Aldone bonvolu sendi rekte al la retadreso ses@ikso.net ankaŭ fotokopion de via valida vojaĝpasporto (la paĝo kun via foto kaj la datoj de valideco), kiun ni aldonos al la invitletero por polico.

Nia konsulejo petos al unuopaj ambasadejoj doni al la SES-aliĝintoj vizojn senpage. Tio signifas, ke vi eble ne devos aldone pagi por la vizo en via ambasadejo, sed oni ne povas tion komplete garantii. Aldone oni espereble eldonos la vizojn pli rapide ol kutime.

Aldonaj senpagaj servoj

Dum SES vi povos uzi plurajn servojn tute senpage. Dum la tuta semajno estos je via dispono interalie:

• sendrata ret-konekto;
• tabloludoj;
• kafo kaj teo dum kafopaŭzoj inter lecionoj.