Somera Esperanto-Studado 2019

Nitra (Slovakio), 12-a ĝis 20-a de julio 2019

Programo

La tagoj dum SES aspektas jene:

Ĉi-jare okazos paralele kun instruado la unua “kodummaratono” (hackathon) en Esperantujo, Somera Esperanto-Programado (SEP). Pli da informoj troveblas en la retejo de SEP.

Marde okazas tuttagaj ekskursoj: tiun tagon okazas nek instruado, nek posttagmeza programo.

Por pli bona superrigardo, vidu nian detalan horaron de SES. Ni kompletigos ĝin iom post iom per detaloj pri koncertoj kaj aliaj programeroj.

Kultura programo

Koncertoj

La informo venos baldaŭ.

Nacia vespero

La informo venos baldaŭ.

Diskejo

Dum la semajno atendos vin diskotekoj kun internacia muziko de diversaj muzikstiloj. Tuj apud drinkejo, en la diskejo vi havos eblon eluzi vian energion, se ajna restos al vi post la tuta tago! Amuziĝemaj kaj dancemaj partoprenantoj, nepre venu kaj etosigu la noktan vivon dum SES!

Kinejo

Ĉiutage estos projekciataj filmoj kun Esperanto-subtekstoj. Atendas vin diversaj specoj de filmoj – fabeloj, dokumentaj filmoj, komedioj, scienc-fikcio. La programo de la filmoprojekciado estos afiŝita surloke.

Internacia kuirarta festivalo

Internacia kuirarta festivalo

Ĉu vi interesiĝas pri la kulturoj de la mondo? Jen oportuno ekkoni la gustojn de aliaj landoj. Dum la internacia kuirarta festivalo vi povos senpage elprovi diversajn eksterlandajn specialaĵojn. Por sukcesa festivalo, ĉiu partoprenanto kunportu ion de sia lando (manĝeton, sukeraĵon / kukon / keksojn, trinkaĵon, alkoholaĵon, ktp.).

Plej bonas famaj aŭ strangaj aferoj (aŭ ambaŭ), kiujn oni ne sukcesas aĉeti eksterlande. Ĉiu lando havos tablon por prezenti la kunportitaĵojn kaj la ĉambro iĝos bazaro de malsamaj gustoj.

Internacia vespero

Ĉu vi scipovas kanti, danci, ĵongli aŭ havas alian talenton, kiun vi volas montri al la aliaj partoprenantoj? Ĉu vi volas prezenti kanton aŭ poemon de via lando? Tiam ne hezitu kaj partoprenu en la internacia vespero! Dum tiu vespero ni povos ĝui la buntecon de la kulturoj kaj talentoj de la partoprenantoj de SES.

Internacia vespero

Libroservo

Libroservo
Fonto: Wikimedia Commons

Dum la tuta SES ankaŭ ĉi-foje atendos vin riĉa libroservo; en ĝi vi havos unikan eblon aĉeti tre diversajn Esperanto-varojn. Libroj, KD-j, DVD-j, T-ĉemizoj, insignoj, glumarkoj — ĉio tio kontraŭ tre favoraj prezoj. Profitu la eblon riĉigi vian E-kolekton kaj vizitu la libroservon!

Prelegoj

Kursetoj kaj metiejoj

Trankvila posttagmeza programero
Pli sporta posttagmeza programero

Rimarko 1: Por infanoj ne ekzistas aparta programo. Gepatroj, kiuj volas veni kun siaj etaj infanoj kaj volas por ili apartan programon, bv. kontakti organizantojn pri la eblo mendi pagendan vartist(in)on.

Rimarko 2: Supre menciita programo estas daŭre provizora. Pli detalan programon de SES ricevos aliĝintoj antaŭ la aranĝo.