Programa cultural
Conciertos
Jen detaloj pri jam konfirmitaj koncertoj. Dum SES por vi ludos kaj amuzos vin:
- Kaŝi
- JoMo
- Jonny M
- La informo venos baldaŭ
Kaŝi
Kaŝi (veranome Carsten Schnathorst) estas germana muzikisto kaj esperantisto. Li venas de Osnabrück kaj loĝas en Hamburgo. Tie li ludas ĉe la bando The Living Music Box. Carsten kantas kaj ludas pianon. Lia kantaro enhavas proprajn kantojn kaj bone konatajn el la tuta mondo.
Dum SES li mojosigos la korojn de la publiko per sia mikso de propraj esperantaj kantoj, internacia furora muziko kaj aliaj konataj Esperanto-kanzonoj kaj pere de sia markanta voĉo.
JoMo
JoMo (t. e. Jean-Marc Leclercq) estas franca kantisto kaj esperantisto. Li venas de Liono, nun loĝas en Tuluzo. Antaŭe li estis kantisto en la grupo Les Rosemary’s Babies (La Rozmariaj Beboj).
Li montras rimarkeblan progreson al lingvodiverseco pere de muziko. Li havas tradician kaj rokan kantrepertuaron en 22 lingvoj, interalie Esperanto. Per tio li eniris la Guiness-libron pri rekordoj. Dum SES li etosigos kaj dancigos vin per siaj diverslingvaj kantoj, plenaj je ĝojo kaj energio.
Jonny M
Ekde la jaro 2010, la 26-jara Jonny M produktas regeon en Esperanto. Liaj unuaj kantoj, eldonitaj senkoste en la albumeto Pli ol espero, iĝis rapide konataj en Esperantujo. Granda sukceso iĝis la publikigo de la albumo Regestilo en 2013. Post koncertoj en la tuta mondo (Japanio, Brazilo, Indonezio kaj multaj lokoj en Eŭropo) li en decembro 2016 lanĉis novan albumon, Kreaktiva, kun multaj pensigaj, samtempe dancigaj kantoj. Do nepre venu al lia koncerto!
Discoteca
Dum la semajno atendos vin diskotekoj kun internacia muziko de diversaj muzikstiloj. Tuj apud drinkejo, en la diskejo vi havos eblon eluzi vian energion, se ajna restos al vi post la tuta tago! Amuziĝemaj kaj dancemaj partoprenantoj, nepre venu kaj etosigu la noktan vivon dum SES!
Cine
Ĉiutage estos projekciataj filmoj kun Esperanto-subtekstoj aŭ eĉ rekte dublitaj en Esperanto. Atendas vin diversaj specoj de filmoj – fabeloj, dokumentoj, komedioj, scienc-fikcioj. Detala programo de la filmoprojekciado aperos en la program-libro de SES.
Internacia kuirarta festivalo
Ĉu vi interesiĝas pri la kulturoj de la mondo? Jen oportuno ekkoni la gustojn de aliaj landoj. Dum la internacia kuirarta festivalo vi povos senpage elprovi diversajn eksterlandajn specialaĵojn. Por sukcesa festivalo, ĉiu partoprenanto kunportu ion de sia lando (manĝeton, sukeraĵon / kukon / keksojn, trinkaĵon, alkoholaĵon, ktp.).
Plej bonas famaj aŭ strangaj aferoj (aŭ ambaŭ), kiujn oni ne sukcesas aĉeti eksterlande. Ĉiu lando havos tablon por prezenti la kunportitaĵojn kaj la ĉambro iĝos bazaro de malsamaj gustoj.