Kotizoj

Aliĝkotizoj

La aliĝkotizoj kovras nur parton de la kostoj de la aranĝo. La reston de la programkostoj kovros alifontaj subvencioj.

Partoprenantoj malpli ol 18-jaraĝaj pagas simbolan partonprenkotizon: 20 EUR.

Infanoj ĝis 6 jaroj ne pagas aliĝkotizon.

Studentoj sub 26 jaroj kaj emerituloj ekde 62 jaroj ricevas rabaton: 5 EUR.

Landokategorioj:

• A-landoj: ĉiuj landoj krom B-landoj kaj C-landoj;
• B-landoj: la 10 membroŝtatoj de EU kiuj eniris en la jaro 2004 (Ĉeĥio, Estonio, Hungario, Kipro, Litovio, Latvio, Malto, Pollando, Slovakio, Slovenio);
• C-landoj: Rumanio kaj Bulgario; ekssocialismaj eŭropaj landoj; ĉiuj landoj de Azio (escepte de Israelo, Japanio kaj Koreio), Afriko kaj Latina Ameriko.

Rimarkoj:

• Aliĝante surloke necesas krompagi: 10 EUR.
• La aliĝo ekvalidas post pago de minimume 40 EUR.
• Kaze de malaliĝo antaŭ 2018-05-31, oni repagas la antaŭpagon minusigante 10 EUR. Kaze de malaliĝo antaŭ 2018-06-30 oni repagas la antaŭpagon minusigante 30 EUR.
• Kiel aliĝdaton oni konsideras daton de pago de minimume aliĝkotizo.
• Oni rajtas senpage modifi sian mendon (maksimume 2-foje) ĝis la 2018-06-30. Je ĉiu ŝanĝo post tiu dato oni krompagigas je 2 EUR por ŝanĝo.
• Se vi kontribuos al la aranĝo per organizo de programero, vi povas ricevi rabaton kaj depende de la kontribuo eblas eĉ plene nuligi vian aliĝkotizon. Bonvolu skribi pri via kontribu-propono en la aliĝilo kaj ni sekve kontaktos vin.

Manĝokotizoj

Eblas elekti inter tri specoj da manĝaĵo: kunvianda, vegetara, vegana.

Rimarko: Ni petas la viandmanĝantojn pri atento:

Dum SES funkcias t.n. "verda rabato". Se vi elektos dum SES manĝi senviande (do aŭ vegetare, aŭ vegane), vi pagos malpli je 1 EUR tage, do je 8 EUR por la tuta aranĝo. Koran dankon pro via komprenemo! Certe ni ĝojos, se vi elektos la malpli kostan varianton, sen superflua kaŭzado de besto-mortigado kaj aldone ŝparos monon. Kaj eble vi eĉ ekŝatos tian manĝkutimon kaj emos en ĝi daŭrigi ankaŭ hejme post la aranĝo :-)

Ŝanĝoj pri manĝomendoj estos akceptataj plej malfrue ĝis 2018-07-09. Pri specialaj bezonoj aŭ deziroj bonvolu informi la organizantojn anticipe.

Rimarko: Menditaj manĝoj komenciĝas per vespermanĝo la 2018-07-14 (aŭ de via alventago, se vi alvenos post la komenco) kaj finiĝas per tagmanĝo la 2018-07-22 (aŭ de via forirtago, se vi foriros antaŭ la fino). Se vi havas aliajn preferojn, bonvolu kontakti nin.

Loĝkotizoj

*La kvanto de unupersonaj ĉambroj en la SES-ejo estas limigita. Pro tio, la prezo nun estas fiksita je tuta aranĝo sendepende de la nombro da tranoktoj dum SES. Se vi nepre volas loĝi sola, bonvolu konsideri loĝadon en la apudaj pensionoj/hoteloj.

**Studentoj de mezlernejoj kaj universitatoj havas rajton je rabatita prezo de loĝado. Por ricevi vian ĉambron malpli koste, bonvolu plenigi la numeron de via ISIC-karto aŭ alia studenta identigilo en la aliĝilo.

***Amasloĝejo estas granda ĉambro sen litoj, kie homoj dormos komune. Vi devos kunporti proprajn dormosakon kaj dormomaton kaj vi havos aliron al duŝejo.

Rimarkoj:

• Dum la aranĝo estas 8 noktoj (de sabata vespero ĝis dimanĉa mateno). Eblas partopreni ankaŭ malpli longe, aŭ alveni unu tagon pli frue (vendrede) aŭ resti unu tagon pli longe (ĝis lundo). La datojn de via alveno kaj foriro indiku en la aliĝilo.
• Se vi ne volas loĝi en la studenthejmo, kiun ni proponas, vi povas ankaŭ mem aranĝi por vi tranoktadon en alia memelektita loko.
• Ĉiu duopo de ĉambroj havas komunan duŝejon kaj necesejon.

Invitletero

Se vi bezonas ricevi invitleteron por akiri vizon por Slovakio, ĝia kosto estas 35 EUR. Tiu sumo ne validas por partoprenantoj el Rusio kaj Ukrainio, por kiuj invitleteroj laŭ aparta interkonsento kostas nur 3 EUR kaj ekzistas ankaŭ ŝanco ricevi vizon senpage.

Rimarko: Oni pagas la kotizon, ĉar invitleteroj devas esti aprobitaj de la polico. Invitilojn por la aranĝo ni povos sendi nur ĝis 2018-06-15. Se vi do bezonas vizon, bonvolu aliĝi antaŭ tiu tempo. Por ricevi la invitleteron, bonvolu plenigi la koncernajn kampojn en la aliĝilo. Aldone bonvolu sendi rekte al la retadreso ses@ikso.net ankaŭ fotokopion de via valida vojaĝpasporto (la paĝo kun via foto kaj la datoj de valideco), kiun ni aldonos al la invitletero por polico.

Nia konsulejo petos al unuopaj ambasadejoj doni al la SES-aliĝintoj vizojn senpage. Tio signifas, ke vi eble ne devos aldone pagi por la vizo en via ambasadejo, sed oni ne povas tion komplete garantii. Aldone oni espereble eldonos la vizojn pli rapide ol kutime.

Ekskursoj

Ĉiuj ekskursoj estas aparte pagendaj – eblas mendi ilin ĝis 2018-06-30. Se vi aliĝos al ekskurso poste, ni ne plu povas garantii al vi liberan lokon.

Aldonaj senpagaj servoj

Dum SES vi povos uzi plurajn servojn tute senpage. Dum la tuta semajno estos je via dispono interalie:

• sendrata ret-konekto;
• tabloludoj;
• kafo kaj teo dum kafopaŭzoj inter lecionoj.