Freŝaj novaĵoj

2014-08-25

La unua Somera Esperanto-Studado en Rusio ĵus finiĝis. Ni kore dankas la 87 partoprenintojn. Baldaŭ venos fotaroj kaj raportoj pri la semajno.

2014-08-08

Aperis Programlibro por la rusa SES! Elŝutu ĝin kaj elektu, kion vi volos partopreni - estas riĉa elekto :)

2014-06-17

Se vi bezonas invitleteron por vizo, vi nepre devas aliĝi antaŭ la 4-a de julio. Post tiu dato vi ne plu povos peti de ni invitleteron, do ricevi vizon estos pli malfacile. Do se vi ankoraŭ ne aliĝis, faru tion nun!

2014-05-15

Plilongiĝis la dua aliĝperiodo al la rusa SES! Ĝi daŭros ĝis la fino de majo, ĉar ja ankaŭ la rusa SES ekas nur monaton post tiu en Slovakio. Do eluzu la eblon, ankoraŭ dum du semajnoj vi povas aliĝadi kontraŭ pli favorpreza kotizo!

2014-04-20

Dum SES koncertos por vi famaj muzikistoj. La unuajn malkovru en la paĝo Kultura programo.

2014-04-10

Aperis informoj pri la antaŭkongreso. Venu al Rusio jam antaŭ SES kaj ekkonu grandiozan Moskvon!

2014-03-20

La kongresejo de SES RU 2014 estis ŝanĝita: ĝi daŭre okazos en la moskva provinco, sed en la vilaĝo Koltiŝevo. Legu pli pri tio en la paĝo Loko.

2014-01-23

Ĉi-jare okazos SES 2-foje! Unu en Slovakio kaj la alia en Rusio. Elektu do kiun el ili vi deziras partopreni, aŭ venu al ambaŭ. Krome - ĉiu kiu partoprenos ambaŭ SES-ojn ricevas rabaton de 10 EUR dum la dua SES de aliĝkotizo, kaj krome 5-eŭran taso-pason por gufujo!

2014-01-23

La rusa SES havas ekde nun propran paĝon ĉe la socia reto Facebook.

2013-12-26

La retpaĝaro de SES 2014 en Rusio ("SES 2014 RU") ekfunkciis. Tradicie okazos ankaŭ SES en Slovakio ("SES 2014 SK") kun propra retpaĝaro.