Krom instruado kaj ekskursoj okazos dum SES ankaŭ pluraj aliaj programeroj:
Kultura programo
- koncertoj:
- Asorti,
- Kaŝi,
- B&B,
- Tabea,
- Gabo: Tonoj de la vivo,
- la informo venos baldaŭ;
- diskoteko;
- teatraĵo;
- nacia vespero (popolmuziko, vingustumado);
- internacia vespero (via kontribuo tre bonvenas!);
- kaj multe pli…
Vidu pli ĉe: Kultura programo
Libroservo
Dum la tuta SES ankaŭ ĉi-foje atendos vin riĉa libroservo; en ĝi vi havos unikan eblon aĉeti tre diversajn Esperanto-varojn. Libroj, KD-j, DVD-j, T-ĉemizoj, insignoj, glumarkoj — ĉio tio kontraŭ tre favoraj prezoj. Profitu la eblon riĉigi vian E-kolekton kaj vizitu la libroservon!
Novula programo
Por komencantoj estas preparata aparta programo, kun paroligaj rondoj, diskutoj kaj prezentoj de Esperanto-movado kaj kulturo. Pri novuloj zorgos dum la aranĝo t.n. "anĝeloj" – spertaj esperantistoj, pretaj helpi kaj/aŭ konsili.
Prelegoj
- pri E@I;
- pri lernu!;
- pri Slovakio;
- pri la Esperanto-kulturo kaj la Esperanto-movado;
- kaj aliaj…
Kursetoj kaj metiejoj
- slovaka lingvo;
- tokipono;
- aliaj lingvoj (via kontribuo tre bonvenas!);
- ĵonglado;
- lernado de Esperanto-kantoj.
Sporta programo
- estos speciala sporta tago kun konkursoj kaj premioj;
- ekzistos eblo ludi tablotenison, tenison, badmintonon, naĝi, uzi sportejon.
Rimarko 1: Por infanoj ne ekzistas aparta programo. Gepatroj, kiuj volas veni kun siaj etaj infanoj kaj volas por ili apartan programon, bv. kontakti organizantojn pri la eblo mendi pagendan vartist(in)on.
Rimarko 2: Supre menciita programo estas daŭre provizora. Pli detalan programon de SES ricevos aliĝintoj antaŭ la aranĝo.