Horaro: www.cp.sk (Se vi ne komprenas la slovakan, sube ŝanĝu lingvon al la angla aŭ al la germana.)
El Vieno
El Viena flughaveno iras ege ofte, ĉiuhore buso al Bratislavo. La vojaĝo daŭras 1 horon. Elbusiĝi vi povas aŭ ĉe Bratislava flughaveno ("Bratislava,,letisko"), aŭ ĉe busa stacidomo ("Bratislava,,AS MHD"). Atentu pri itinero de la konkreta buso.
Horaro:
El: Wien,,Flughafen Wien
Al: Bratislava
Urba trafiko en Bratislavo
En la ĉefurbo eblas veturi per urba trafiko (busoj, tramoj, trolebusoj). Bileton aĉetu ANTAŬ eniro en veturilon. Ili aĉeteblas en kioskoj, en aŭtomatoj ĉe stacioj, aŭ en konstruaĵo tuj apud ĉefa trajna stacidomo.
- el flughaveno al trajna stacidomo aŭ male:
la numero 61 (Letisko --> Hlavná stanica), vojaĝo daŭras 25 minutojn (aĉetu 60-minutan bileton) - el busa stacidomo al trajna stacidomo aŭ male:
la numero 210 (Autobusová stanica --> Hlavná stanica), vojaĝo daŭras 10 minutojn (aĉetu 15-minutan bileton)
El Bratislavo
El Bratislavo prenu trajnon aŭ buson rekte al Martin. Foje okazas, ke oni devas ŝanĝi trajnon/buson unufoje, sed iras ankaŭ rektaj.
Se vi alvenos malfrue kaj ne plu estos konekto al Martin, serĉu konekton al Vrútky (urbeto apud Martin kaj grava fervoja nodo). De tie iru per taksio, tio kostos 8 ĝis 10 €.
Horaro:
El: Bratislava
Al: Martin
En Martin
Busa kaj trajna stacidomoj troviĝas unu apud la alia (vidu la mapon). La vojo de tie al SES-ejo estas 2 km longa.
Se vi elektas taksion, jen kelkaj firmaoj:
- http://www.mbtaxi.eu/ - 1 €/km
- http://www.mirotaxi.sk/ - 0,70 € + 1 €/km
Karavano
Se vi volas vojaĝi al SES malmultekoste kun aliaj esperantistoj, vi povas veturi per tiel nomata karavano (grupa trajnvojaĝo). Okazos karavano de Strasburgo en Francio ĝis Martin tra diversaj germanaj kaj aŭstraj urboj (interalie Munkeno, Linz kaj Vieno). Tuj post SES okazos karavano de Martin al Lille (kie okazos la Universala Kongreso de Esperanto) tra Prago kaj Berlino. Por pli da informoj, vizitu la retejon de la karavano kaj la Facebook-eventon.
La slovaka lingvo
Eta praktika konsilo: lernu kelkajn bazajn vortojn en la slovaka :) E@I kreis retejon por lerni la slovakan, por vi multe utilos jenaj frazoj: http://slovake.eu/learning/intro/phrases
Dum SES aĉeteblos en libroservo Esperanta verketo "Slovaka konversacio skize".